‘परालको आगो’मा आधारित फिल्म बन्ने
काठमाडौं । कथाकार गुरुप्रसाद मैनालीद्वारा लिखित कथा ‘परालको आगो’मा आधारित चलचित्र बन्ने भएको छ । मैनाली कथा पुरस्कार ट्रस्टले हरिओम सिने मेकर्स निर्माता कम्पनीलाई चलचित्र निर्माणका लागि सहमति दिएको हो ।
‘परालको आगो’ मैनालीको कथा संग्रह ‘नासो’मा संग्रहित छ । चलचित्रको निर्माता सुशीलकुमार पोखरेललाई कथाकार मैनालीका छोरा माधवप्रसादले ‘कथाको मर्म नबिग्रने गरी’ निर्माणको अनुमति दिएका हुन् ।
सुशील पोखरेलको निर्माणमा लक्ष्मण सुनारको निर्देशनमा चलचित्र निर्माण हुनेछ । यसको छायाँकन फागुनबाट सुरु हुने र कलाकारहरु छनोट भइरहेको पोखरेलले जानकारी दिए ।
