‘पूर्णबहादुरको सारंगी’ को ट्रेलर युट्युव ट्रेन्डिङमा

काठमाडौं । ‘पूर्णबहादुरको सारङ्गी’ को ट्रेलरले चलचित्रकर्मी देखि आम दर्शकको मन जित्न सफल भएको छ । तीन दिनअघि युट्युवमा सार्वजनिक ट्रेलर चर्चासहित युट्युव ट्रेन्डिङमा छ ।

अर्गानिक कथामा फिल्म बनेको बताउँदै दर्शकहरु फिल्म हेर्न निकै उत्साहित देखिएका छन् । सारंगी रेटेर छोराको सपना र भविष्य बनाउन गर्नुपरेको संघर्ष वरिपरि ट्रेलर घुमेको छ।

फिल्ममा विजय बराल बुवा हुँदा प्रकाश सपुतले छोराको भूमिका निर्वाह गरेका छन् । सरोज पौडेलको लेखन तथा निर्देशन रहेको फिल्ममा विजय र प्रकाशसहित मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, आलिस बास्तोला, स्वायम् केसी, जान्वी पौडेललगायतको अभिनय छ । फिल्म तिहारको अवसरमा कात्तिक १५ गतेबाट प्रदर्शन हुँदैछ ।