दिवाकर भट्टराई निर्देशित ‘मायावी’ कात्तिक १५ देखि प्रदर्शनमा आउने
काठमाडौं । दिवाकर भट्टराई निर्देशित फिल्म ‘मायावी’ कात्तिक १५ गते प्रदर्शन हुने भएको छ । निर्देशक भट्टराईले तिहारको बिदाको अवसर पारेर फिल्म प्रदर्शनको मिति तय गरेका हुन् ।
फिल्ममा पल शाह र दीपिका प्रसाईं मुख्य भूमिकामा छन्। निर्देशक भट्टराईले मायावीलाई ‘ड्रिम प्रोजेक्ट’ भएको बताएका छन् । फिल्ममा पल र दीपिकासँगै सुशील सिटौला, समिम खान, करिष्मा श्रेष्ठ, प्रशान्त ताम्राकार, लक्ष्मी गिरी, रवि डंगोल, राजाराम पौडेल, अंशु महर्जन, रमा प्रसाईंलगायतको अभिनय छ ।
फिल्म राज कटुवाल, चन्द्र पन्त र ध्रुवप्रसाद न्यौपाने मिलेर निर्माण गरेका हुन्। फिल्ममा निर्देशक भट्टराईकै लेखन छ । फिल्ममा राजु थापाको डीओपी, एसडी योगीको संगीत, राम अविरलको गीत रचना छ।
