समीक्षा अधिकारीको अफिसियल गीत ‘के हेरेको टुलु टुलु’
काठमाडौं । गायिका समीक्षा अधिकारीको ‘के हेरेको टुलु टुलु’ बोलको गीत सार्वजनिक भएको छ । उनले बुधबार आफ्नै युट्युब च्यानलबाट यो गीत ल्याएकी हुन्। खेम सेञ्चुरीको संगीत रहेको गीतका शब्द नेत्र अर्यालका हुन्। श्यामस्वेत रसाइलीले गीतलाई एरेन्ज गरेका हुन् ।
भिडियोमा सलोन बस्नेत, नाजिर हुसेन र आश्मा विश्वकर्मा फिचर्ड छन् । गीतलाई गम्भीर विष्टले निर्देशन, शुभम भुजेलले कोरियोग्राफी गरेका हुन् । भिडियोमा गायिका समीक्षा पनि फिचर्ड छिन् । पवन सुस्लिङले भिडियोको छायाँकन एवं सम्पादन गरेका हुन् ।
