यस्तो छ ‘रावायण’ को शीर्ष गीत
काठमाडौं । सुदर्शन थापाको निर्देशन रहेको फिल्म ‘रावायण’ को शीर्ष गीत सार्वजनिक गरिएको छ । निर्माण टिमले मंगलबार गीत सार्वजनिक गरेको हो ।
गीतमा बलिउड गायक नकाश अजिजको स्वर छ। गीतका शब्द कृष्णहरी बरालले लेखेका हुन् भने संगीत रेवान आरती सिंहको छ । गीतमा फिल्मका शीर्ष कलाकार पुजा शर्मा, पल शाह फिचर्ड छन् ।
गीतलाई विक्रम स्वाँरले कोरियोग्राफी गरेका हुन् । यसमा प्रियंका कार्की, प्रमोद अग्रहरी, प्रकाश शाह, अर्जुनजंग शाही, शर्मीला मल्ल, प्रदीप ढकाल, निकिता चण्डकको पनि अभिनय छ ।
सुदर्शन थापाको कथा, शिवम अधिकारीको लेखन रहेको फिल्ममा सौरभ लामाको छायांकन, श्री श्रेष्ठको एक्सन र मिलन श्रेष्ठको सम्पादन छ । फिल्म तीजको अवसर पारेर भदौ २१ गते रिलिज हुनेछ।
