‘बेहुली फ्रम मेघौली’ को गीत ‘उडायो मन’
काठमाडौँ । नेपाली फिल्म ‘बेहुली फ्रम मेघौली’ को गीत ‘उडायो मन’ सार्वजनिक भएको छ । इन्द्रकला राईको स्वर रहेको गीतमा जयन जे वाइवाको शब्द संगीत र संगीत संयोजन छ।
गीतमा नेपालीसँगै थारु भाषाको गीतसमेत समेटिएको छ। गीतका मूल सर्जक केशवराज महतो हुन् भने थारु शब्दको पुनर्लेखन अशोक थनेतले गरेका हुन् ।
गीतको भिडियोमा फिल्मकी शीर्ष अभिनेत्री स्वस्तिमा खड्का मुख्यरुपमा फिचर भएकी छन् । घटस्थापनामा प्रदर्शन हुने फिल्म साजन काफ्ले र आकाश बरालको लेखन तथा निर्देशनमा बनेको छ ।
फिल्ममा निश्चल र स्वस्तिमाका अलवा बसुन्धरा भुसाल, बिजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर शिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय छ । ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको हो।
Embed Video
