आलोकश्रीको संगीतमा ‘एउटा जून..’
काठमाडौं । गायक प्रह्लाद तिमिल्सिनाको नयाँ गीत ‘एउटा जून..’ सार्वजनिक भएको छ । गीतलाई संगीतकार आलोकश्रीले संगीतबद्ध गरेका छन् ।
गीतमा वरिष्ठ गीतकार टेक तामाङले मर्मस्पर्शी शब्दहरु रचना गरेका हुन् । गुञ्जन स्टुडियोमा रेकर्ड गरिएको गीतमा नरेन्द्र बियोगीको संगीत संयोजन छ ।
सुशील विक्रम शाहले यसलाई मिक्सिङ तथा मास्टरिङ गरेका छन् । गायक तिमिल्सिनाकै आधिकारिक युट्युब च्यानल प्रह्लाद तिमिल्सिनामार्फत सार्वजनिक भएको गीतको म्युजिक भिडियो पनि तयार गरिएको छ ।
