‘साँझ पर्नुअघि’ मा राम, पूर्णिमा र विजयको रोमान्स
काठमाडौं । १४ वर्षअघि लाखौ कोसिस गर्दा पनि तिमीलाई भुल्न गाह्रो भो गीतमा संगीत भरेर चर्चामा आएका गायक सरोज के लामाको शब्द संगीत र स्वरमा रहेको ‘साझँ पर्नु अघि ’गीतको भिडियो सार्वजनिक भएको छ ।
यथार्थ कथामा निर्माण भएको गीति भिडियोमा प्रेम र विछोडलाई निकै आकर्षक ढंगबाट समेटिएको छ । लामा एक सफल संगीतकार मात्र नभई एक सफल गीत रेकर्डिङ्ग स्टुडियो संचालक समेत हुन् ।
साथी भेट्न गएकी प्रेमी आफूलाई गोधुली साँझ हुँदा पनि नआएको अवस्थामा गीतमा चित्रण गरिएको छ । आफ्नो प्रेमिकाले अर्काको अँगालोमा बेरिँदाको विरही भावहरुलाई गीतमा चित्रण गरिएको छ ।
आफनो मायालाई सुन्दर ठाउँ पुर्याउनको लागि अग्रसर भएको अवस्थामा छोडेर प्रेमिका जाँदा आफूलाई अप्ठ्यारो महसुस भएको कुरा गीतमा गरिएको छ ।
सरोजराज गिरीको छायाँकन, रोशन धितालको सम्पादन तथा सरोज के लामाको निर्देशनमा भिडियो तयार गरिएको छ । भिडियोमा राम स्यानताङ, पूर्णिमा मगर, विजय लामाको फिचरिङमा रहेको छ ।
