‘महाजात्रा’ को टिजर सार्वजनिक
काठमाडौं । फिल्म ‘महाजात्रा’ को टिजर सार्वजनिक गरिएको छ । मंगलबार ओएसआर डिजिटलमार्फत फिल्मको टिजर सार्वजनिक गरिएको हो । टिजरमा एक गाडी पैसा लुकाउने जागिर पाएकाको कथा देखाइएको छ ।
फिल्ममा हरिवंश आचार्य, विपीन कार्की, रवीन्द्रसिंह बानियाँ, रविन्द्र झा, वर्षा राउत, दिव्य देव, गौमाया गुरुङ, शिशिर वाङदेल, प्रकार घिमिरे, प्रविन खतिवडा, अर्जुनजंग शाही, अरविन खड्कालगायत कलाकारको अभिनय गरेका छन् ।
षट्कोण आर्टस ब्यानरमा निर्माण भएको फिल्ममा म्याक्स दीपेश खत्री र यज्ञश्वर पौडेल निर्माता छन्। फिल्मका कार्यकारी निर्माता रवीन्द्रसिंह बानियाँ हुन् । पुरुषोत्तम प्रधानले छायांकन गरेको फिल्मलाई मित्रदेव गुरुङले सम्पादन गरेका हुन् । फिल्म चैत ९ गतेदेखि प्रदर्शन हुनेछ।
