यस्तो छ ‘दयारानी’को टिजर
काठमाडौँ । चलचित्र ‘दयारानी’को टिजर सार्वजनिक भएको छ। माघ २६ गतेदेखि प्रदर्शन हुने फिल्मको टिजर बिहीबार सार्वजनिक गरिएको हो । टिजरमा निःसन्तान दम्पत्तीको कथा देखाउन खोजिएको छ।
अभिनेता दयाहाङ राई र अभिनेत्री दीया पुन पतिपत्निको भूमिकामा छन् । माओत्से गुरुङको डेब्यु निर्देशनमा बनेको फिल्ममा विजय बराल, प्रमिसा गुरुङ, पुस्कर गुरुङ, टीकाराम घले, नयन गुरुङ, सूर्य सुनार, राजेन्द्र थापा, सीतादेवी गुरुङलगायत कलाकारको अभिनय छ ।
शैलेन्द्र ध्वज कार्कीले छायांकन गरेको फिल्म मोहन गुरुङ, किरण गुरुङ, केन्द्र लिम्बू र न्यू आइटी भेन्चरको सहकार्यमा निर्माण भएको छ। फिल्मको कार्यकारी निर्मातामा रामबाबु गुरुङ र अपील विष्ट छन् । बाँसुरी फिल्मस्को प्रस्तुति रहेको फिल्म माओत्से गुरुङ फिल्म्सको ब्यानरमा बनेको छ।
