प्रताप दास र मेलिना राईको ‘काग भन्दा कोइली चलाख’
काठमाडौँ । चलचित्र ‘दुई कदम’को गीत ‘काग भन्दा कोइली चलाख’ सार्वजनिक भएको छ । सोमबार ओएसआर डिजिटल युट्युब च्यानलबाट गीत सार्वजनिक गरिएको हो ।
गीत चर्चित गायक प्रताप दास र गायिका मेलिना राईले गाएका छन् । डिपी खनालको शब्द रहेको गीतमा विकास चौधरीले संगीत भरेका छन् । गीतको भिडियोमा कलाकार विल्सन विक्रम राई विशेष भूमिकामा देखिएका छन्। साथै अन्य कलाकार गौरव पहारी, इओन लिम्बु, सिमोन गिरी, विमला लिम्बू र गीता ढुंगानालाई देख्न सकिन्छ ।
चलचित्रमा डेब्यू कलाकार इओन लिम्बु र सिमोन गिरीसहित सुनिल थापा, कविता आले, सुरवीर पण्डित, बुद्धि तामाङ, प्रेम सुब्बा, अर्जुन गुरुङ, विमला लिम्बू, जीवन लिम्बू, चन्दा दाहाल र प्रीतिका शर्मालगायतको अभिनय छ ।
उदय सुब्बाको निर्देशनमा बनेको चलचित्र मंसिर २९ देखि प्रदर्शन हुनेछ। दयाराम घिमिरेले चलचित्रको कथा तथा पटकथा लेखेका छन्। अजम्बरी फिल्मस्को ब्यानरमा बनेको चलचित्र तारा देवी लिम्बूले लगानी गरेकी छन् ।
विक्रम डिसीले छायाँकन गरेको चलचित्र प्रविन ढकालको सम्पादन, डिपी खनालको शब्द, तारा प्रकाश लिम्बू र विकास चौधरीको संगीत, राजु किराँतीको द्वन्द्व निर्देशन र रामजी लामिछानेको कोरियोग्राफीमा बनेको छ।
