‘रिभेन्ज लभ’को ट्रेलर सार्वजनिक
काठमाडौं । मन्दीप राना निर्देशित तेस्रो सिनेमा ‘रिभेन्ज लभ’को ट्रेलर सार्वजनिक भएको छ । सिनेमाको सार्वजनिक ट्रेलरमा नयाँ तथा पुराना कलाकारकको अभिनय रहेको छ । पोखराका युवाहरुले मिलेर सिनेमा निर्माण गरेका हुन् ।
सिनेमामा काम गर्ने कलाकार तथा प्राविधिक पनि अधिकांश पोखराकै छन् । प्रेममा बदला र समर्पणको कथावस्तु मनोरञ्जनात्मक तवरले प्रस्तुत गरिएको निर्देशक राना बताउँछन् ।
श्याम शुक्ला फिल्म प्रोडक्सनको प्रस्तुतीमा निर्माण भएको सिनेमामा एक्सन, कोरीयोग्राफि र निर्देशन मन्दीप रानाको छ ।
निर्माता नवीन घतानेको गीत रचना, देशभक्त सिंह कुँवरको संगीत, रजनी राई र विजय कुमारको स्वर रहेको सिनेमामा मेकअप मोहन लामा, छायाँकन राहुल राई, पोस्टर डिजाइन सबिन गायक, सम्पादन नेत्र गुरुङ र अशोक आलेको छ ।
सिनेमाको निर्मातामा नवीन घताने र श्याम शुक्ला फिल्म प्रोडक्सन तथा सह-निर्मातामा बिजय कुमार, गीत सुनार र लक्ष्मी सुनारको रहेका छन् । श्याम शुक्ला प्रोडक्सनले डिजिटल राइट्स सिनेमा आगामी पौष १५ ल्होसारको अवसरमा हलमा नभई सिधै युट्यबमा रिलिज हुनेछ ।
