शान्तिश्रीको ‘पासपोर्ट हातैमा’
काठमाडौँ । नयाँ लोकदोहोरी गीत ‘पासपोर्ट हातैमा’ सार्वजनिक भएको छ । गायक युवराज चौलागाई र गायिका शान्तिश्री परियारको स्वरमा ‘पासपोर्ट हातैमा’ आएको हो । गायक चौलागाईकै शब्द र संगीत रहेको गीतमा संगीत संयोजन जुजु गुरुङले गरेका छन् ।
उदीराम खड्काको निर्देशनमा बनेको म्युजिक भिडियोमा लोकदाहोरी क्षेत्रको चर्चित कार्यक्रम ‘इन्दे्रणी’का कलाकारको अभिनय रहेको छ। कृष्ण कँडेल, प्रतिमा कँडेल, युवराज चौलागाई, अञ्जली अधिकारी, दीपक घिमिरे, रश्ना अधिकारी, आयुषा गौताम, रविना बसेल, सुरेन्द्र भुजेललगायत कलाकार फिचर्ड छन् ।
आर्थिक अवस्था कमजोर भएकै कारण परिवारबाट टाढिएर खाडी मुलुक जान बाध्य भएका नेपालीको व्यथालाई गीतमा देखाइएको छ।
