‘बद्री बहादुर’को विदेश राइट्स बिक्री
काठमाडौं । शोभित बस्नेत निर्देशित सिनेमा ’बद्री बहादुर’को विदेश राइट्स बिक्री भएको छ । बुधबार निर्देशक बस्नेतले पूजा तामाङलाई विदेशको सम्पूर्ण राइट्स बेचेका हुन् ।
पूजा तामाङले विदेश राइट्सको लागि नगद २० लाख तिरेर सम्झौता पत्रमा हस्ताक्षर गरेकी छन् । अब विदेशमा सिनेमा प्रदर्शनको हक पूजाको हातमा हुनेछ । नेपाल बाहेकका अन्य देशमा सिनेमा प्रदर्शन गर्न चाहनेले पूजासंग सम्पर्क गर्नुपर्ने हुन्छ ।
संचारकर्मी रवि अधिकारीको कार्यकारी निर्माण रहेको सिनेमाको नेपाल प्रदर्शन मिति केहि दिनमा तय हुनेछ । केहि दिनमा सलोन बस्नेत र पूजा शर्मा फिचर्ड गीत सार्वजनिक गर्दै निर्माण पक्ष प्रचारमा उत्रिनेछ ।
रामकाजी घिमिरेको लेखन रहेको सिनेमामा जय किसन बस्नेत, छुल्ठिम गुरुङ, राजीव जंग बस्नेत, धिरेन शाक्य, एलिना गुरुङलगायतका कलाकारहरुको अभिनय छ । एलिनाले यहि सिनेमाबाट रजतपटमा डेब्यु गर्दै छिन् ।
विनोद सापकोटाको छायांकन रहेको सिनेमामा टंक बुढाथोकी/उजन नेम्वाङको संगीत, शिव विकको नृत्य निर्देशन, शंकर महर्जनको द्वन्द्व र बन्दे प्रसादको सम्पादन रहेको छ ।
काठमाडौं, लमजुङ, धरान र संखुवासभा जिल्लामा छायांकन गरिएको सिनेमाको सहायक निर्देशकमा रामजी राउत र ज्ञानकुमार कटेल रहेका छन् ।
एबी पिक्चर्स फार्म र सलोन सलीना व्यानरमा निर्माण भएको सिनेमाका प्रस्तुतकर्ता विजय गोपाल दली हुन् । सिनेमाको निर्मातामा मिथुन भोटे रहेका छन्
