रेखा जोशीको ‘शिरफुल’ मा लक्ष्मी र जीवन

काठमाडौँ । गायिका रेखा जोशीको ‘शिरफुल’ गीत सार्वजनिक भएको छ। राजेन्द्र भट्ट (मिस्टर आरजे)को शब्द र संगीत रहेको गीतमा संगीत संयोजन मोहित मुनालको रहेको छ।

लक्ष्मी बर्देवा र जीवन भट्टराईको निर्देशनमा बनेको म्युजिक भिडियोमा अभिनय पनि उनीहरूकै रहेको छ। भिडियोमा लक्ष्मी र जीवनसँगै अश्विनी बर्देवाको अभिनय छ। बुद्ध लामाको छायांकनमा तयार भएको भिडियोमा विष्णु खड्काको सम्पादन छ।

‘शिरफुल(सुनको बाला-२’को शीर्षक दिइएको गीत यो गीत सन् २०२१ मा पनि यही नामले सार्वजनिक भएको थियो।

त्यसमा शब्द र संगीतसँगै स्वर पनि राजेन्द्र भट्टकै रहेको थियो। म्युजिक भिडियोमा रोशनी कार्की र राजेन्द्र भट्टनै फिचर्ड थिए। भट्टले यो सिरिजको पहिलो गीत ‘सुनको बाला’ का नामले निकालेका थिए।