प्रेमिकाको खुसी कहिले नहराओस् भन्न विक्षिप्त बनेका निराजन
काठमाडौं । गायक पुष्पन प्रधानले सार्वजनिक गर्ने मायाले भरिएका गीतहरुलाई दर्शकले निक्कै रुचाएका छन् । यसैले, पनि यी गायकका गीतहरु दर्शकका लागि प्रतिक्षामा रहन्छ ।
उनै पुष्पनको स्वरमा समावेश ‘मैले जानिन होला’ बोलको गीत सार्वजनिक गरिएको छ । आफ्नी प्रेमिकालाई माया गर्न आफूले नजानेपनि उसको खुसी कहिले नहराओस् भन्ने प्रेमीको चाहनामा रहेर यो गीत लेखिएको छ ।
सार्वजनिक गीतमा सञ्जित साना सानाको शब्द तथा संगीत रहेको छ, भने जोनी योन्जन तामाङको एरेन्ज र मास्टरिङ रहेको छ । यो गीतमा संजित सानाको शब्द तथा संगीत छ ।
गीतको शब्द र संगीत दुबै कर्णप्रिय छ । भिडियोमा नायिका पूजा शर्मा, कलाकार निराजन प्रधान र कलाकार हिउँवाला गौतमको अभिनय छ ।
ब्लड क्यान्सरले थलिएकी एक युवतीले आफ्नो प्रेमीको खुसीका लागि कसरी उसलाई वास्तविक घटना लुकाउँछे भन्ने कथामा निर्देशक हरि हुमागाँईले मर्मस्पर्शी कथा बुनेका छन् । उत्तम हुमागाँइको छायांकन रहेको भिडियोलाई प्रविण श्रेष्ठले सम्पादन गरेका हुन् ।
