कल्याण, श्रुति र निराजन अभिनित ‘अफसोस छैन मलाई’

काठमाडौं । गायक रमन रेग्मीको सुमधुर स्वरमा सजिएको ‘अफसोस छैन मलाई’ बोलको म्युजिक भिडियो सार्वजनिक भएको छ । सुरेश अधिकारीको शब्द तथा संगीत रहेको गीतमा दिनेश सुनामको एरेन्ज रहेको गीतको म्युजिक भिडियो शुक्रबार सावर्जनिक भएको छ । भिडियोमा आफ्नो प्रेमिकाले धोका दिएर अरु केटासँग लागेको देखेपछि युवक पीडा सहन नसकेर आत्महत्या गर्न बाध्य भएका छन् ।

तर प्रेमिका भने अर्कै केटासँग खुसी छिन् । यस भिडियोमा देखाए जस्तै वास्तविक जीवनमा पनि कसैसँग मेल खान सक्छ र यस्तो घटना नघटोस् तथा कसैको पनि भावनासंग खेल्नु हुन्न भन्ने संदेश भिडियोमार्फत दिन खोजिएको छ । भिडियोमा कल्याण अधिकारी, निराजन बस्नेत र श्रुति श्रेष्ठको अभिनय रहेको छ भने ललित थापाको निर्देशन रहेको भिडियोमा पदम भाइको सह–निर्देशन रहेको छ भने महेश महराले छायाँकन गरेका हुन् ।