रचना र कृष्णको ‘मलाई माया’
काठमाडौं । चर्चित गायिका रचना रिमाल र गायक कृष्ण काफ्लेको युगल गायनमा समावेश ‘मलाई माया’ बोलको म्युजिक भिडियो सार्वजनिक भएको छ । यस गीतमा अर्जुन थापाको शब्द र सङ्गीत रहेको छ । गीतमा फणीन्द्र राईको सङ्गीत संयोजन रहेको छ ।
भिडियोमा गीतकार एवं सङ्गीतकार अजुर्न थापा र निरु थापाको अभिनय रहेको छ । हाल अमेरिकामा बसोबास गर्दै आएका गीतकार, सङ्गीतकार एवं कलाकार अर्जुन थापा नेपाली गीत सङ्गीतको क्षेत्रमा लामो समयदेखि सक्रिय छन् । बुद्ध थापा छायाङ्कन गरेको यस भिडियोलाई सुरेश राउतले सम्पादन गरेका हुन् ।
सुरेश थापाको निर्देशनमा भिडियो तयार पारिएको हो । माया प्रेमसँग सम्बन्धित म्युजिक भिडियो ‘कलापुञ्ज’ युट्युब च्यानलबाट सार्वजनिक गरिएको हो ।
