कृष्ण केसीको ‘हानिकारक माया’
काठमाडौं । गीतकार कृष्ण केसीले लेखेको ‘डाँडाघरे साइली’ बोलको गीतले त तहल्का नै मच्चायो । आफ्नो मन युट्युब च्यानलबाट सार्वजनिक यो गीतसँगै ‘लुम्ले काँडामा, जाले रुमाल, पाउडर किरिममा, भिटामिन यू’ लगायतका आधा दर्जन बढी गीतले दर्शकको माया पाएका छन् । कृष्णले निरन्तर गीत सार्वजनिक पनि गरिरहेका छन् ।
उनै, कृष्णले आफ्नै शब्द तथा संगीतमा ‘हानिकारक माया’ सार्वजनिक गरेका छन् । यो गीतमा प्रताप दास र एलिना चौहानको स्वर छ । मौसम हिमालीको निर्देशक तथा कोरियोग्राफीमा तयार भएको यो गीतको भिडियोमा पुष्प खड्का, योगेश काजी, अनु पराजुली, प्रताप दास र एलिना चौहानको अभिनय छ । भिडियोमा करण चैसरको छायांकन, प्रविण भट्टको सम्पादन छ । यो गीत टिकटकमा चर्चामा छ । सार्वजनिक भएको केही दिनमै ५ लाख भन्दा बढी भ्यूज पाएको गीत र भिडियो उत्कृष्ट भएका कारण दर्शकले माया पाएको हो ।
