सविन सुवेदीको ‘तिम्रो याद आयो’
काठमाडौं । स्वदेशमा रोजगारीको अवसर नहुँदा विदेशिन बाध्य लाखौँ नेपाली युवाको पीडालाई समेटेर तयार पारिएको नयाँ म्युजिक भिडियो ‘तिम्रो याद आयो’ सार्वजनिक भएको छ । म्युजिक भिडियोमा परदेशीको पीडा र मनोभावनालाई मार्मिक तरिकाबाट प्रस्तुत गरिएको छ । सविन सुवेदीको सुमधुर स्वरमा सजिएको गीत अमेरिकाको ओहायो निवासी गीतकार गोपाल लोहारले रचना गरेका हुन् ।
दीपक शर्माले सङ्गीतबद्ध गरेको यस गीतलाई उदयराज पौडेलले सङ्गीत संयोजन गरेका छन् । भिडियोमा विजय बराल, प्रमिला खनाल र माया पौडेलको जीवन्त अभिनय देख्न सकिन्छ ।
श्याम तामाङले छायाङ्कन गरेको म्युजिक भिडियोलाई विकास दाहालले सम्पादन गरेका हुन् । काजी लिम्बू र श्याम लामाको संयुक्त निर्देशनमा तयार पारिएको यस भिडियोको निर्मात्री भीमा लोहार हुन् । गोलो प्रोडक्शनको आधिकारिक च्यानलमार्फत भिडियो सार्वजनिक भएको हो ।
