गायिका बीयोन्सेलाई २८ औँ पटक ग्र्यामी अवार्ड
गायिका बीयोन्सेले ग्र्यामी अवार्ड्समा नयाँ कीर्तिमान राखेकी छन् । यो वर्षसहित उनले अहिलेसम्म २८ पटक उक्त पुरस्कार पाएकी छन् । यसअघि एलिसन क्रौस सर्वाधिक ग्र्यामी अवार्ड्स पाउने कलाकार थिइन् ।
यस वर्षको पुरस्कार स्वीकार गर्दै बीयोन्सेले भनिन्, ‘म एकदमै सम्मानित भएकी छु, म एकदमै उत्साहित छु।’ आइतवार आयोजित समारोहमा टेलर स्विफ्टले पनि कीर्तिमान राखेकी छन्। तीन पटक वर्षको उत्कृष्ट एल्बम जित्ने उनी पहिलो गायिका भएकी छन् । यसअघि उनले सन् २०१० र २०१६ मा पनि उक्त विधामा पुरस्कार पाएकी थिइन्।
