नेपाल जेसीजद्वारा गायिका अनिता चलाउने सम्मानित
काठमाडौं । नेपाल जेसीजले चर्चित गायिक अनिता चलाउनेलाई सम्मान गरेको छ । कला संगीत तथा संस्कृति क्षेत्रमा महत्वपूर्ण योगदान गरेबापत नेपाल जेसीजको ४७ औं राष्ट्रिय महाधिवेशनमा गायिका चलाउनेलाई टोयन (TOYN ) अवार्डबाट सम्मान गरिएको हो ।
उनलाई नेपाली कांग्रेसका महामन्त्री डा. शशांक कोइरालाले सम्मान गरेका छन् । नेपाल वर्ष २०२० को उत्कृष्ट युवा छनोट समितिद्वारा नगद तथा स्वर्णपदकसहित उत्कृष्ट युवा पुरस्कारबाट सम्मानित गरेकोमा उनले नेपाल जेसीजलाई धन्यवाद दिएकी छन् । दर्जनौं गीतमा स्वर दिएकी चलाउनेको पछिल्लो गीत ‘फुटेको चुरा’ दर्शक र श्रोतामाझ लोकप्रिय बनेको छ ।
