गुणराज र अस्मिताको ‘दोबाटोमा चौतारी’

गायक गुणराज श्रेष्ठ र गायिका अस्मिता अधिकारीको ‘दोबाटोमा चौतारी’ बोलको नयाँ गीत सार्वजनिक गरिएको छ । गीतमा सुष्मा देवकोटाको शब्द रहेको छ भने सुवास भुसालले संगीत भरेका छन् । ‘फील’ स्टुडियोमा रेकर्डिङ गरिएको गीतमा एरेन्ज उदयराज पौडेल र मिक्सिङ अशोक महर्जनको छ ।

पछिल्लो समयका व्यस्त मोडल सुधीर श्रेष्ठ, श्रृष्टि खड्का गायक स्वयंम अभिनित उक्त गीतको भिडियो उत्कृष्ट बनेको छ । भिडियोलाई निशा कश्यपले निर्देशन गरेकी हुन् । उत्सव दाहालले छायाँकन गरेको भिडियोमा सुरेन्द्र बसेलको नृत्य निर्देशन रहेको छ ।