‘परदेशी देउसी भैलो’(भिडियोसहित)

जापानलाई कर्मथलो बनाएका कलाकारहरु परदेशी भूमिमा पहिलो पटक देउसी भैलो गीत ‘परदेशी देउसी भैलो’ लिएर आएका छन् । एआर क्रियसनको प्रस्तुतीमा आधा दर्जन भन्दा बढी गायक गायिकाहरुको संयुक्त आवाजमा ‘परदेशी देउसी भैलो’ नामक तिहार विशेष गीत सार्वजनिक गरिएको हो ।

गीतमा अर्जुन सुवेदीको शब्द, सूर्य खड्को लय तथा स्वरसँगै अन्य कलाकारहरु– अमित सापकोटा, सोना केसी, खेमराज पौडेल,समुन्द्रराज पौडेल,शिवा केसी, र चेतन घर्तीको आवज सुन्न सकिन्छ । गीतको भिडियो निर्देशन अमित सापकोटाले गरेका छन् भने गोविन्द विष्टले छायाँकन तथा सम्पादन गरेका हुन् । परदेशबाट सार्वजनिक भएको देउसी भैलोको सम्पूर्ण काम जापानमा नै सम्पादन गरिएको हो ।