जापानबाट माधव सिग्देलको ‘नेपालतिरै जाम’
विगत लामो समयदेखि जापानको शहर फुकुओका बस्दै आएका सर्जक तथा गायक माधव सिग्देलले लोकदोहोरी गीत ‘नेपालतिरै जाम’ सार्वजनिक गरेका छन् ।
चर्चित लोकदोहोरी गायक राजु ढकाल र लोकप्रिय गायिका देवी घर्ती मगरको आवाजमा रहेको गीतमा शब्द संगीत भने माधव सिग्देल आफैले गरेका छन् । युवाहरु विदेशिएर भोग्नु परेको यथार्थ घटनालाई गीतमा प्रस्तुत गरिएको छ ।
अभिनय चर्चित मोडल अन्जली अधिकारी र माधव सिग्देलको रहेको छ । निर्देशन प्रकाश भट्ट, जापानको छायांकनमा दीपक देवकोटा ,नेपाल छायाँकन दुर्गा पौडेल ,सम्पादन विष्णु शर्माले गरेका छन् साही भिजन प्रालिद्वारा निर्माण गरिएको भिडियोलाई सर्जक तथा गायक माधव सिग्देलले आफ्नै युटुब च्यानलबाट सार्वजनिक गरेका छन् ।
