‘सुकुटी’ बोलको गीत सार्वजनिक

गायक प्रमोद खरेलको ‘सुकुटी’ बोलको गीत सार्वजनिक भएको छ । यस गीतमा प्रमोदलाई सृष्टि हिङमाङले स्वरमा साथ दिएकी छन् । गीतको भिडियोमा सारा सिरपाली, सुमन बस्नेत र वसन्त अधिकारीको अभिनय रहेको छ ।

गीतको भिडियोमा सारालाई थारु भेषभुषामा देखिन्छ । गीत चितवनको मेघौली थारु खाजा घरमा छायांकन गरिएको हो । गीतमा कृष्ण उदाशीको शब्द, गौरव दर्पणको संगीत, नोर्बु शेर्पाको एरेन्ज रहेको छ ।
भिडियोमा रेनिश फागोको रंग, आरजु बैजुको कोरियोग्राफी, संकल भुजेलको छायांकन, बनिष शाहको सम्पादन र शिशिर खातीको निर्देशन छ । भिडियोको निर्माता सुवास बस्नेत हुन् । भिडियो ओएसआर डिजिटलबाट सार्वजनिक गरिएको हो ।