दीपक कँडेलको ‘बानी चकचके'(भिडियोसहित)
गायक दीपक कँडेलको नयाँ गीत ‘बानी चकचके’ सार्वजनिक भएको छ । मेरी छोरी बोलको गीतबाट लोकप्रिय बनेकी बाल गायिका दीपिका कँडेलको उत्कृष्ट आवाज रहेको गीत दीपिका म्युजिक प्रालिले बजारमा ल्याएको छ ।
गीतमा दीपक कँडेलको शब्द सृजना रहेको छ भने गणेश अधिकारीको संगीत रहेको छ । उक्त गीतमा दीपिका कँडेल र स्वर्गीय गायक दीपक परियारले आवाज दिएका छन् । सानी नानीको गीत गाउने कला र चकचके बानीलाई विषय बनाइएको गीतको निर्देशन मौसम हिमालीले गरेका छन् ।
गीतमा चलचित्रमा निकै चर्चित कलाकार जयकिसन बस्नेत, एलिना रायमाझी र बालकलाकार एभेलिन ले अभिनय गरेका छन् । अजय रेग्मीले छायाँकन गरेको म्युजिक भिडियो मनोज कार्कीले सम्पादन गरेका छन् ।
