नेपाली युवा दिवेश पोखरेल बने अमेरिकन आइडलको उप–विजेता
काठमाडौं । नेपाली युवा दिवेश पोखरेल अमेरिकन आइडलको उप–विजेता बनेका छन् । अमेरिकन आइडलको १८ औं सिजनकी बिजेता भने २१ बर्षकी जस्ट साम बनेकी छिन् ।
फाइनल शो मा टप फाइभमा पुगेका दिवेश भोटिङमार्फत टप टुमा पुगेका थिए । नेपाली युवा दिवेश पोखरेल सन् २०१४ मा अमेरिका पुगेका थिए । दिवेशले सन् २०१९ को जनवरीमा नेपालमै आफ्नो ग्रहण एल्बमको लोकार्पण गरेका थिए ।
अमेरिकन आइडलको फाइनलमा पुग्ने उनी पहिलो नेपाली हुन् । उत्कृष्ठ ७ बाट भोटिङका आधारमा दिवेश फाइनलमा पुगेका हुन् । त्यसघि ११ जनाबाट ७ जना छानिएको थियो । कोरोनाको महामारीका कारण अमेरिकन आइडलले भर्चुअल प्रस्तुति गर्दै आएको छ । २० वर्षीय दिवेश ६ वर्षदेखि अमेरिकामा बस्दै आएका छन् ।
