‘पर्खी बसे फर्की आउँछु’ को शीर्ष गीत रेकर्डिङ
नेपाली कथानक चलचित्र ’पर्खी बसे फर्की आउँछु’ को शीर्ष गीत रेकर्डिङ भएको छ । प्रस्तुत शीर्ष गीतमा प्रेम परियार र सवनम आचार्यको स्वर, सुन्दर पन्तको शब्द र वसन्त सापकोटाको संगीत रहेको छ । राजबहादुर सानेको निर्देशनमा बनेको यस चलचित्रको छायांकन दाङमा सुरु हुदै राजधानीमा समेत भएको छ ।
रोशनकुमार थापा प्रस्तुतकर्ता रहेको चलचित्रमा खेमराज विक कार्यकारी निर्माता रहेका छन् । यमकान्त भण्डारी निर्माता र एकराज थापा सहनिर्माता रहेको चलचित्र लभ स्टोरी जनरामा बनेको हो । चलचित्रमा प्रेम परियार, समीक्षा बस्नेत, देव सागर, पदम तामाङ, सुशील गौतम, सुशील पोखरेल,हिउवाला गौतम, दीपक थापा, शुभम् गौतम, डा.लोकराज पराजुली, हेमराज बीसीलगायतका कलाकारको अभिनय रहनेछ । अपांगता भएकी युवतीको रहर र जीवन संघर्षको कथा चलचित्रले बोल्ने छ ।
चलचित्रमा कविराज गहतराज, रामजी लामिछाने, राजकुमार वैश्य र राजन महर्जनको कोरियोग्राफी रहेको छ भने चलचित्रमा वसन्त सापकोटा, सगै एलिस कार्की, कृष्ण भारद्वाज र कर्साङ लामाको पनि संगीत रहेको छ ।
