फिल्म ‘सेन्टी भाइरस’ले एक करोड १५ लाख कमाए
काठमाडौं । रामबाबु गुरुङले निर्देशन गरेको फिल्म ‘सेन्टी भाइरस’ले रिलिज नहुँदै एक करोड १५ लाख कमाएको छ । फिल्मको अन्तर्रा्ष्ट्रिय वितरण अधिकार एक करोड १५ लाख रूपैयाँमा बिक्री भएको हो ।यसबाट भएको नाफाको ५० प्रतिशत चितवनमा निर्माणाधीन गौतमबुद्ध अन्तर्रा्ष्ट्रिय क्रिकेट रंगशालामा खर्च गरिने घोषणा गरिएको छ ।
फिल्मलाई अमेरिकाको नेप्सिने कम्पनीले महँगोमा किनेको हो । यो फिल्म फागुन ९ गते रिलिज हुँदै छ । यो फिल्ममा सीताराम कट्टेल ‘धुर्मुस’, कुञ्जना घिमिरे ‘सुन्तली’, दयाहाङ राई, विल्सनविक्रम राई, बुद्धि तामाङ, राजाराम पौडेललगायतका कलाकारले अभिनय गरेको छ ।
