अभिनेता सविन श्रेष्ठको ‘ताकतवर’ को एक्सन प्याक्ड ट्रेलर सार्वजनिक

नयाँ फिल्म ‘ताकतवर’ को एक्सन प्याक्ड ट्रेलर सार्वजनिक भएको छ । एक्सनमा रुचाइएका अभिनेता सविन श्रेष्ठको नयाँ फिल्म ‘ताकतवर’ को एक्सन प्याक्ड ट्रेलर सार्वजनिक भएको हो । एक कार्यक्रमका बीच शनिवार राजधानीमा सार्वजनिक गरिएको फिल्मको ट्रेलरमा अभिनेता सविनलाई एक्सन अवतारमा देख्न सकिन्छ । सविन र अभिनेत्री महिमा सिलवासको प्रेममा आउने उचारचढावमा फिल्म केन्द्रित रहेको ट्रेलरमा दखाएको छ ।

गजेन्द्र रञ्जितको लेखन तथा निर्देशन रहेको छ । निर्देशक रञ्जितले फिल्मका लागि उपयुक्त मिति मिलाउन वितरकसँग छलफल भैरहेको बताए । चैत दोस्रो साताभित्र दर्शकले फिल्म हेर्न पाउने उनको भनाई छ । निर्मात्री आरती शाहीले प्रेममा उत्पन्न हुने द्वन्द्वमा फिल्म निर्माण भएको बताइन् । ‘ताकतवर’ मा सविन र महिमाका अलावा स्वर्गीय रामकेशर बोगटी, ध्रुव कोइराला, शेखर सुवेदी, रिजा भुषाललगायतका कलाकारहरुको अभिनय रहेको छ ।

फिल्ममा रामजी लामिछानेको कोरियोग्राफी, सुनिल श्रेष्ठको कथा र चन्द्र पन्तको द्वन्द्व छ । रामेश्वर हुमागाईंले फिल्म खिचेका हुन् ।