सुपरहिट फिल्म ‘पर्खी बसेँ’को नयाँ सिरिज ‘पर्खी बसेँ २’ बन्ने

निर्माणको बिषयमा  निकिता पौडेल र विनोद सापकोटाबीच विहीबार सम्झौता

काठमाडौँ । सुपरहिट फिल्म ‘पर्खी बसेँ’को नयाँ सिरिज बन्ने भएको छ । गोपीकृष्ण मुभिजले हिमालयन मुभी स्टुडियोसँगको सहकार्यमा फिल्म ‘पर्खी बसेँ २’ निर्माण हुन लागेको हो ।
फिल्म निर्माणको बिषयमा गोपीकृष्ण मुभिजको निकिता पौडेल र हिमालयनमुभी स्टुडियोको विनोद सापकोटाबीच विहीबार सम्झौता भएको छ । फिल्ममा निकिता र विनोद निर्माता रहने छन् भने प्रदीप दाहाल र तिर्थ प्रसाद पौडेल सहनिर्माताको रुपमा रहने छन् । यस फिल्मको निर्देशन जिम्बा भने ‘लभ डायरिज’का निर्देशक सौभर चौधरीले गर्ने भएका छन् । पहिलो सिरिज झैँ दोस्रोमा पनि सांगीतिक प्रेम कथा देखाइने निर्देशक सौरभले बताए ।

फिल्मलाई अल नेपाल वितरणको जिम्मा करण श्रेष्ठ अर्थात रीच इन्टरटेनमेन्टले पाएको छ । फिल्ममा रहने कलाकार र प्राविधिक औपचारिक कार्यक्रमको आयोजना गर्दै सार्वजनिक गर्ने निर्माण टीमले जनाएको छ ।