मायाको आशक्तीलाई देखाए गीत ‘दुःखको काँडा’ सार्वजनिक(भिडियो सहित)
‘म यस्तो गीत गाउँछु २’को ‘दुःखको काँडा’ सार्वजनिक भएको छ । पहिलो गीत ‘तिम्रो घरको वरिपरी’ले युटुबमा ५० लाख भ्यूज बटुलेपछि चलचित्र ‘म यस्तो गीत गाउँछु २’ को निर्माणपक्षले दोश्रो गीत ‘दुःखको काँडा’ सार्वजनिक गरेको हो ।
अर्जुन पोखरेलको संगीत, देवल भण्डारीको शब्द रहेको गीतमा सनिष श्रेष्ठले स्वर दिएका गितमा प्रेमीले प्रेमिकाप्रति देखाएको मायाको आशक्तीलाई देखाएको छ । गीत अनुसार भिडियोलाई पनि बलियो बनाइएको छ । रामजी लामिछानेको कोरियोग्राफी रहेको यो गीतको भिडियोलाई सौरभ लामाले खिचेका हुन् । चलचित्रका निर्माताद्धय सुदर्शन थापा र पूजा शर्माले पनि भिडियो निर्माणमा कुनै कञ्जुस्याँई गरेका छैनन् ।
फागुण २३ गतेबाट रिलिज हुने यो चलचित्रको गीतको भिडियोमा मुख्य कलाकारद्धय नायक पल शाह र नायिका पूजा शर्मालाई फिचरिङ गरिएको छ ।
