भारतीय राष्ट्रपति रामनाथ कोविन्दद्वारा ‘दादा साहब फाल्के अवार्ड’ प्रदान

‘राष्ट्रिय पुरस्कार’ वितरण समारोहमा अमिताभ बच्चनलाई सन् २०१९ को ‘दादा साहब फाल्के अवार्ड’ प्रदान गरिएको छ । भारतीय राष्ट्रपति रामनाथ कोविन्दले बलिउडका नायक अमिताभ बच्चनलाई सन् २०१९ को ‘दादा साहब फाल्के अवार्ड’ प्रदान गरिएको हो ।

भारतमा ‘दादा साहब फाल्के अवार्ड’ प्रतिष्ठित मानिन्छन् । भारतीय चलचित्र उद्योगमा उत्कृष्ट योगदान गरेको भन्दै उनलाई यो अवार्ड प्रदान गरिएको हो । राष्ट्रपति कोविन्दले यो बर्ष ‘राष्ट्रिय पुरस्कार’ जित्न सफल सबैलाई राष्ट्रपति भवनमा निमन्त्रणा गरेका थिए । सोही समारोहमा अमिताभलाई यो पुरस्कार प्रदान गरिएको हो । यो समारोहमा अमिताभको साथमा पत्नी जया बच्चन र छोरा अभिषेक बच्चन पनि उपस्थित थिए । अमिताभले उक्त समारोहमा भने आफू ५० बर्षदेखि बलिउडमा काम गरिरहेको भन्दै पुरस्कार स्विकार गरेको बताए ।