गुड न्यूज’मा नायिका करिनाको अभिनयको सर्वत्र प्रशंसा

बलिउड चलचित्र ‘गुड न्यूज’ले बक्स अफिसमा सुखद कमाई गरिरहेको छ । शुक्रबारदेखि विश्व बजारमा रिलिज भएको चलचित्रको वर्ड अफ माउथ सुखद छ । साथमा, समिक्षकले पनि यो चलचित्रलाई उत्कृष्ट भनेका छन् ।

यसको प्रत्यक्ष फाइदा चलचित्रको बक्स अफिसमा परेको छ । चलचित्रले शुक्रबार १७.५६ करोडको कमाई गरेको थियो । शनिबार भने चलचित्रको व्यापार २१.७८ करोड छ । चलचित्रले दुइ दिनमा करिब ४० करोडको व्यापार गरेको छ । अक्षय कुमार, करिना कपुर, कियरा आडवाणी लगायतका कलाकारको मुख्य भूमिका रहेको यो चलचित्रका पटकथा शक्तिशाली छ । चलचित्रले सन्तानको प्रतिक्षामा रहेका दुई परिवारको कथालाई समेटिएको छ । नायिका करिना कपुरको अभिनयको सर्वत्र प्रशंसा भैरहेको छ ।