असी वर्षीया गायिका भोस्ले काठमाडौंमा
काठमाडौं । गायिका आशा भोस्ले काठमाडौं आइपुगेकी छिन् । साधना कलाकेन्द्रले आयोजना गर्न लागेको सांगितिक कार्यक्रममा सहभागी हुन बुधबार आइपुगेकी हुन । कार्यक्रम शनिबार सोल्टी होटलमा हुन लागेको हो ।
उक्त कार्यक्रममा संगितकार रञ्जित गजमेरको एकल संगितमा उनले प्रस्तुति समेत दिने भनेकी छिन् । भारतीय चर्चित असी वर्षीया गायिका भोस्लेले बिहिबार र शुक्रबार पशुपनिनाथ लुम्बिनी, पोखरा, मुक्तिनाथ भ्रमण गर्ने आयोजकले जनाएको छ ।
उनले यो हो मेरो प्राणभन्दा प्यारो माइतीघर, म प्यार बेचिदिन्छु, गैरीखेतको शिरै हान्यो, मोहनी लाग्ला है, झझल्को लिएर आएछ सावन, साउने झरीमा, नयाँ नयाँ सजाऔँ है संसार, के सोचेँ मैले के भयो अहिले, किन बढ्दै छ ढुकढुकी मुटुको, पहाडको माथिमाथि, तिम्रो मनमा लुकेको कुरा, टाढा भई नजाऊ कहिल्यै यो लगायत ६० भन्दा बढी नेपाली चलचित्रका गीत गाएर नेपाली भाषा, गीतसङ्गीतमा ठूलो योगदान दिएकी छन् ।
