“मेरो मुटु” लिएर आईन् गीतकार अम्बिका गुरुङ (भिडियो सहित)
काठमाडौँ । वरिष्ठ गीतकार तथा सर्जक अम्बिका गुरुङको शब्दमा नयाँ गीतको म्युजिक भिडियो “मेरो मुटु” सार्वजनिक भएको छ । भिडियोमा आधुनिक माया प्रेमको भावलाई दुरुस्त म्युजिक भिडियो मार्फत प्रेमिल जोडीलाइै मनमोहक दृश्यमा प्रस्तुत गरिएको छ ।
चर्चित गायक कृष्ण काफ्लेको सुमधुर आवाज रहेको गीतमा गीतकार आम्बिका गुरुङको गहकिलो शब्द रहेको छ भने दीपक शर्माको संगीत रहेको छ ।
अर्जुन अधिकारिको निर्देशनमा बनेको भिडियोलाइ उत्सब दाहाले छायांकन गरेका हुन् भने विकास दाहालको सम्पादन रहेको छ । भिडियोमा अनिश बिक्रम शाह र भूमिका केसीको अभिनय रहेको छ ।
अमेरिका निवासी गीतकार तथा सर्जक अम्बिका गुरुङले नेपाली सांगीतिक इतिहासमा आफ्नो नाम सुनौलो अक्षरले कोरिसकेकी छिन् ।
