यस्ता छन् इन्जिनियर्स एसोसिएसनको चुनावमा सदस्य पदका उम्मेदवार महतोका एजेण्डा
काठमाडौं । नेशनल ईन्जिनियर्स एसोसिएसन नेपाल(NEAN) को भदौ २८ मा हुने निर्वाचनमा इन्जिनियर अरविन्दकुमार महतोले सदस्य पदमा उम्मेदवारी दिएका छन् ।
महतोले मधेस प्रदेशबाट सदस्यमा उम्मेदवारी दिएका छन् । उनले यसक्षेत्रलाई राजनीतिबाट मुक्त गराई विशुद्ध पेशागत वातावरण बनाउने, मधेस प्रदेशको जनकपुरधाममा नेशनल ईन्जिनियर्स एसोसिएसन नेपाल स्थापना, नेपाल सरकारले निर्धारण गरेको इन्जिनियरिङ सेवाको न्यूनतम पारिश्रमिक अबिलम्ब लागू गर्न लगाउने लगायतका एजेण्डा रहेको बताएका छन् ।
त्यस्तै मधेस प्रदेशमा स्टाफ कलेज स्थापनाका लागि पहल गर्ने, ठूला निर्माण आयोजनाहरुमा रिसर्ज एण्ड डेभलपमेन्ट फण्ड अनिवार्य राख्न पहल गर्ने, इन्जिनियरिङ सेवालाई समय सापेक्ष बनाई इ–लाइब्रेरी स्थापना गर्ने गराउनेलगायतका आफ्ना एजेण्डा रहेको बताएका छन् ।
भदौ २८ गते एसोसिएसनको केन्द्रमा काठमाडौं र सातै प्रदेशमा निर्वाचन हुँदैछ । निर्वाचनले नयाँ नेतृत्व चयन गर्ने छ ।
