विद्यालय शिक्षा ऐनको प्रगतिबारे संसदलाई जानकारी गराउन सांसद थापाको माग
काठमाडौं । नेकपा एमालेका सांसद सूर्यबहादुर थापाले शिक्षक आन्दोलनका क्रममा आइतबार भएको घटनाप्रति दुःख व्यक्त गर्दै यस्ता घटना दोहोरिन नदिन सरकारसमक्ष माग गरेका छन् ।
सोमबारको प्रतिनिधिसभा बैठकमा सांसद थापाले प्रहरी र शिक्षक दुवै राष्ट्रसेवक भएकाले जुनसुकै पक्षबाट भएको दमन राम्रो नभएको भन्दै शिक्षकहरूलाई संयमित भएको आफ्ना घोषित कार्यक्रम अगाडि बढाउन तथा सुरक्षाकर्मीलाई पनि संयमित भएर प्रस्तुत हुन ध्यानाकर्षण गराएका हुन् ।
उनले विद्यालय शिक्षा ऐनको प्रगतिबारे संसदलाई शिक्षामन्त्रीले जानकारी गराउन माग गरेका छन् ।
