केयुको उपकुलपतिका लागि आवेदन माग, दरखास्त दिन १० दिनको समय
काठमाडौं । काठमाडौं विश्वविद्यालयको उपकुलपति नियुक्तिका लागि आवेदन माग गरिएको छ । उपकुलपति छनोट सिफारिस समितिले बिहीबार १० दिनको समय दिएर खुला आवेदन माग गरेको हो ।
मान्यताप्राप्त विश्वविद्यालयबाट विद्यावारिधि वा सो सरहको उपाधि प्राप्त गरेको व्यक्तिले उपकुलपतिका लागि आवेदन दिन सक्नेछन् ।
त्यसैगरी कार्यविधिअनुसार कुनै पनि विश्वविद्यालयको प्राध्यपक पदमा नियुक्त भई काम गरेको अनुभव र दरखास्त दिनुअघि कुनै पनि राजनीतिक दलको सदस्य नरहेको व्यक्तिले पनि उम्मेदवारी दिन पाउनेछन् ।
