काठमाडौं विश्वविद्यालयमा चिकित्सातर्फ विराट मेडिकल कलेजका सनम र संस्कृति उत्कृष्ट
काठमाडौं । काठमाडौं विश्वविद्यालयको चिकित्सातर्फ विराट मेडिकल कलेज विराटनगरका सनम ढकाल र संस्कृतिश्री कोइरालाले गोल्ड मेडल हासिल गरेका छन्।
उनीहरुलाई प्रधानमन्त्री पुष्पकमल दाहाल प्रचण्डले बुधबार दीक्षान्त समारोमा मेडल प्रदान गरेका हुन् । ढकालले चिकित्सातर्फको आफ्नो आकर्षण र इच्छाशक्तिले सफलता दिलाएको प्रतिक्रिया दिएका छन्।
आफू झन्डै १० वर्षअघि चिकित्सा क्षेत्रमा रहेको मान, सम्मान, प्रतिष्ठाका कारण आकर्षित भएको उनले बताए । यसैगरी छात्रातर्फकी गोल्ड मेडलिस्ट संस्कृति आफू बुझ्ने भएदेखि नै चिकित्सा पेशाप्रति आकर्षित भएको बताउँछिन्।
आफूले त्यसबाहेकको पेशा परिकल्पना नै नगरेर लागिपरेकाले सफलता प्राप्त भएको उनले बताइन्। आमा रत्न कोइराला विराट मेडिकल कलेजकी बोर्ड अफ डाइरेक्टर भएकाले आफूलाई चिकित्सालाई सानैदेखि नजिकबाट नियाल्न पाएको उल्लेख गरिन्।
