हिसान बाग्मती प्रदेश कमिटी र एसिसिए नेपालबीच सम्झौता
काठमाडौं । हिसान बाग्मती प्रदेश कमिटी र एसिसिए नेपालबीच सम्झौता पत्रमा हस्ताक्षर भएको छ । सम्झौता पत्रमा हिसान बाग्मती प्रदेश कमिटीका तर्फबाट अध्यक्ष भवानीप्रसाद पौडेल र एसिसिए नेपालका तर्फबाट एसिसिए नेपाल प्रमुख रविन कट्वालले हस्ताक्षर गरेका छन् ।
समारोहमा हिसान बाग्मती प्रदेशका अध्यक्ष भवानी प्रसाद पौडेलले सम्झौता शिक्षक,विद्यार्थी र शिक्षण संस्थाहरुका लागि अत्यन्तै महत्वपूर्ण र परणाममुखी रहनेछ भन्नेमा आफू विश्वस्त रहेको र सम्झौता पत्रमा उल्लेखित बुँदाहरुको प्रभावकारी कार्यान्वयनमा दुबै पक्षको इमानदार प्रयास जरुरी रहेको बताए ।
सोही समारोहमा एसिसिए नेपाल प्रमुख रविन कट्वालले हिसान बागमती प्रदेश कमिटीले गर्ने कुनै पनि शैक्षिक उन्नयनका कार्यक्रमहरुमा एसिसिएको कुनै पनि खालको सहकार्य र सहभागिता रहने बताए ।
समारोहमा हिसान बागमती प्रदेश कमिटीका उपाध्यक्षद्वय प्रा. तोयानारायण पौडेल र राजकुमार आचार्य, सचिव आनन्दकुमार यादवले पनि आ–आफ्नो धारणा राखेका थिए विशेष अतिथिका रुपमा हिमालयन ह्वाइटहाउस इन्टरनेशनल कलेज पुतलीसडक काठमाडौंका भाइस प्रिन्सिपल डा. अल्का सापकोटाको उपस्थिति थियोे । समारोहमा सहजीकरण वरिष्ठ शिक्षा पत्रकार एवम् शिक्षासेवी नारायण आचार्यले गरेका थिए।
