वायु प्रदुषण बढेकाले केही दिन विद्यालय बन्द गर्नेबारे सोचिरहेका छौंः प्रधानमन्त्री
काठमाडौं । सरकारले केही दिनका लागि विद्यालय बन्द गर्ने तयारी गरेको छ । काठमाडौंलगायत देशभरको आकाशमा वायु प्रदूषणका बाक्लो तुँवालो लागेकाले सरकारले विद्यालय बन्दको तयारी गरेको हो ।
सोमबार प्रधानमन्त्री निवास बालुवाटारमा चीन सरकारले उपलब्ध गराएको खोप हस्तान्तरण कार्यक्रममा प्रधानमन्त्री केपी शर्मा ओलीले केही दिनका लागि विद्यालय बन्द गर्नेबारेमा सोचिरहेको बताए ।
प्रधानमन्त्रीले वायु प्रदुषणका कारण बालबालिकाको स्वास्थ्यमा असर गर्ने भएकाले घरमै रहनका लागि विद्यालय संचालन नगर्नेबारे सोचिरहेको बताए । उनले यसबारेमा छिट्टै निर्णय लिने बताएका छन् । उनले डढेलोका कारण वायु प्रदुषण बढेकाले डढेलो लाग्न नदिन सबैले सुरुमै योजना बनाउनुपर्ने बताए ।
