प्याब्सनले ‘विद्यालय शिक्षा’ विषयक राष्ट्रिय सम्मेलन गर्ने
काठमाडौं । निजी तथा आवासीय विद्यालय अर्गनाइजेसन नेपाल (प्याब्सन) ले ‘विद्यालय शिक्षा’ विषयक राष्ट्रिय सम्मेलन गर्ने भएको छ । प्याब्सनको आयोजना र सीटीएफ नेपालको सहयोजनामा सम्मेलन माघ ९ र १० गते काठमाडौंमा हुने भएको हो ।
विश्वमा प्रतिस्पर्धा गर्न सक्ने गरी नेपालको शिक्षालाई समय सापेक्ष रुपमा अगाडि बढाउन सम्मेलन आयोजना गरिएको प्याब्सनका अध्यक्ष टीकाराम पुरीले जानकारी दिए । सम्मेलनमा स्वदेश र विदेशका विभिन्न विज्ञहरुले आफ्नो कार्यपत्र प्रस्तुत गर्ने कार्यक्रम रहेको छ ।
कार्यक्रममा सरकारी निकायका प्रतिनिधिहरु, विश्वविद्यालयका प्राध्यापक, निजी विद्यालयका संचालक प्रधानाध्यापक, शिक्षक, विज्ञलगायत गरी तीन सय भन्दा बढीको सहभागिता हुने आयोजकले जनाएको छ ।
