कर्णाली स्वास्थ्य विज्ञान प्रतिष्ठान जुम्लाले पाएन एमडिजीपीका लागि अनुमति
काठमाडौं । जुम्लामा पहिलो पटक विशेषज्ञ चिकित्सक उत्पादन गर्न तत्कालका लागि बाटो बन्द भएको छ । कर्णाली स्वास्थ्य विज्ञान प्रतिष्ठान जुम्लाले चिकित्सा विज्ञानअन्तर्गतको एमडिजीपी तहको शैक्षिक कार्यक्रम सञ्चालन गर्न स्वीकृतिपत्र नपाएपछि विशेषज्ञ तहमा चिकित्सक उत्पादन गर्न केही समयपछि धकेलिएको हो ।
राष्ट्रिय चिकित्सा शिक्षा आयोगले हालै प्रतिष्ठानमा सो तहको शैक्षिक कार्यक्रम सञ्चालन गर्न थप अध्ययन गर्नुपर्ने आवश्यकता औल्याउँदै तत्काल स्वीकृतिपत्र नदिने निर्णय गरेको बताइएको छ ।
आयोगको सो निर्णयसँगै अब प्रतिष्ठानमा विशेषज्ञ चिकित्सक उत्पादन गर्ने शैक्षिक कार्यक्रम सञ्चालन गर्न केही सयम पर्खनुपर्ने अवस्था आएको हो ।
अर्काेतर्फ, आयोगले पोखरा स्वास्थ्य विज्ञान प्रतिष्ठानलाई स्नाकोत्तर तहको शैक्षिक कार्यक्रम सञ्चालन गर्न स्वीकृतिपत्र दिने निर्णय गरेको जनाइएको छ ।
