काठमाडौँ । अख्तियार दुरुपयोग अनुसन्धान आयोगले पर्साको बहुदरमाई नगरपालिकाका तत्कालीन प्रमुख प्रशासकीय अधिकृत महमद शेरे मुस्तफासहित ३ जनाविरुद्ध भ्रष्टाचार मुद्दा दायर गरेको छ ।
आयोगले गैरकानूनी लाभ तथा हानी पुर्याई भ्रष्टाचार गरेको आरोपमा मुस्तफाका साथै नगरपालिकाका सह–लेखापाल उपेन्द्रकुमार साह र जन प्रतिबिम्ब दैनिकका प्रकाशक/प्रधान सम्पादक सञ्जयकुमार साहविरुद्ध बुधबार विशेष अदालतमा मुद्दा दायर गरेको हो ।
सडक मर्मत तथा कालोपत्रे गर्न ठेक्का लगाउँदा आपसी मिलेमतोमा बोलपत्र आव्हान गरिएको र बजेट दुरुपयोग गरेको अभियोगमा उनीहरूविरुद्ध मुद्दा दायर गरिएको आयोगका सहायक प्रवक्ता गणेशबहादुर अधिकारीले जानकारी दिएका छन् ।
आयोगले उनीहरूविरुद्ध ६५ हजार रुपैयाँ बिगो कायम गरेर कैद बिगो बमोजिम जरिवानाको मागदाबी गरेको छ ।
प्रतिक्रिया