रुप ज्योतिकी छोरी सुरुची पनि पक्राउ

काठमाडौं । ठगी आरोपमा पक्राउ परेका उद्योगी रुप ज्योतिकी छोरी छोरीलाई समेत प्रहरीले पक्राउ गरेको छ । महानगरीय प्रहरी परिसर काठमाडौंको टोलीले रुपज्योतिकी छोरी सुरुचि ज्योतिलाई पक्राउ गरेको हो ।

प्रहरीले रुप ज्योतीलाई बिहीवार राति त्रिभुवन अन्तर्राष्ट्रिय विमानस्थलबाट पक्राउ गरेको थियो । हाउजिङका नाममा विभिन्न व्यक्तिलाई ठगी गरेको मुद्दामा काठमाठौं जिल्ला अदालतले २०७५ मंसिर २० मा पक्राउ गर्न अनुमति दिएको थियो।

तर त्यसविरुद्ध ज्योति सर्वोच्च पुगेका थिए। त्यसको करिब १ वर्षपछि सर्वोच्चले ज्योति विपक्षमा फैसला सुनाएपछि उनी पक्राउ गरेका हुन् । ज्योतिले व्यक्तिका नाममा दिनुपर्ने जग्गा अर्कै कम्पनी खडा गरी कम्पनीकै नाममा गराएका थिए ।

उक्त कम्पनी रुप ज्योतिको श्रीमती र छोरीको नाममा रहेको थियो । त्यसैका आधारमा छोरीलाई पक्राउ गरिएको प्रहरीले जनाएको छ ।