यदि देश जोगाउने हो भने मार्ग परिवर्तन गरौं
डा. युवराज संग्रौला ।
राजनीतिको गन्जगोलले नेपालले आर्थिक समृद्धिका महत्वपूर्ण दशकहरु गुमायो। पछिल्लो चारवर्ष राष्ट्रलाई बाटो देखाउने समयमा रुपान्तरण हुन सकेन। कहाँ भयो गल्ती ?
१. नेपालको भाग्य बदल्ने त शिक्षा थियो । यसको दक्षता निर्माण गर्न सकिन्थ्यो । तर सरकारले त्यस्ता व्यक्तिहरुलाई नेतृत्वदियो जसले बनाउने होइन बिगार्ने काम मात्र गरे । आज विद्यार्थी डिप्रेसनको अवस्थामा छन् कसरी भोलिको जिम्मेवारी बोक्छन् ?
२. खाद्यान्न आयात तीन खर्ब पुग्यो । भारत जाने विप्रेशन ५ खर्ब । नेपालमा आउने विप्रेशन १० खर्ब । ३७ खर्बको बजेट, ६ खर्बको बेरुजु । स्थानीय तह र प्रदेशले मात्र १५ अर्ब जतिका सवारी साधन किनेछन् । देश गरीब छ सरकारी कार्यालयमा प्राडो र स्कार्पियो गाडीको ताँती छ । देश त कसैको भएन । पार्टी बोक्ने छन्, धर्म बोक्ने छन्, जात र साम्प्रदायिकता बोक्ने छन्, विदेशी बोक्ने छन् तर देश बोक्ने छैनन् ।
३. जमिन बाँझा छन् । उत्पादन छैन । मानिसका विदेशबाट लास आउँछन् । युवा सबै विदेश जान्छन् । बुढा नेताहरूलाई युवाले प्रतिस्थापन गर्लान् र देश बन्ला भन्ने थियो आशा, काङ्ग्रेस, कम्युनिस्ट र वैकल्पिक सबैतिर युवा नेता कमेडिएन पो रहेछन् ।
४. देशमा इतिहास, नैतिकता, विचार र प्रतिभा चै सकिएछ ।
यदि देश जोगाउने हो भने मार्ग परिवर्तन गरौं ।
