विना केपी ओलीलाई असफल पार्न प्रचण्डकोतर्फबाट सुराकी गर्न राखेकी पात्र हुन्

राजा राजेन्द्र पोखरेल ।

नेकपा भित्रको विवाद विधि र पद्धतिको लागि भन्दा पनि राज्यको बिभिन्न निकायमा मिलेर खाने मनशाय नै हो । विभिन्न “नियुक्तिहरुमा प्रधानमन्त्रीले एकलौटी गरे” भन्ने आरोप नै सबैभन्दा ठूलो रडाको को विषय हो। अख्तियार दुरुपयोग अनुसन्धान आयोगमा प्रचण्डको प्रतिनिधि राखेर सुरक्षित हुने , कतिपय नाफामुलक स्थानहरुमा भागबन्डा कायम गर्ने मनसाय र अर्को तिर उसैगरी लाभका क्षेत्रहरूमा भाग खोज्ने र बालुवाटार जग्गा प्रकरण छानबिन लाई असफल पार्ने माधव नेपालको दुराशय अहिलेको सबैभन्दा ठूलो समस्या हो।
भारतीय सहयोगमा फेरिपनि नेपाली संस्थापनलाई कमजोर बनाउने र भारतको इसारा बिना नेपालमा सरकार चल्नै सक्तैन भन्ने स्थापित गर्न निकै ठूलो मूल्य प्राप्त गरेको पनि हुनसक्छ ।

सरकारको काम कारबाही सन्तोषजनक भएन भनेर प्रचण्डले गर्ने गरेको आलोचना उनकी आफ्नै बुहारीको कार्यसम्पादन सँग दाजेर हेर्दा प्रस्ट थाहा हुन्छ । बिना मगर नेपाल सरकार , प्रधानमन्त्री केपी ओली र नेपाली जनतालाई सफल र सहज बनाउन मन्त्री बनाइएकी नै होइनन् । उनी त केपी ओलीलाई असफल पार्न र प्रचण्डको तर्फबाट सुराकी गर्न राखेकी पात्र हुन् ।

आफ्नै बुहारीको कार्यसम्पादन सबैभन्दा कमजोर हुँदा पनि मन्त्रीबाट हटाउन नदिने अनि सरकारको कार्यसम्पादन प्रति प्रश्न उठाउने प्रचण्डसँग नैतिक आधार रहन्छ कि रहँदैन एउटा गम्भीर प्रश्न छ । चारैतिरबाट घेराबन्दी गर्ने काम गर्न नदिने र कार्यसम्पादन राम्रो भएन त्यसैले पालो फेर्नुपर्छ भन्ने आवाज स्थापित गर्ने प्रचण्डको रणनीति भर्त्सना योग्य छ ।

सबैभन्दा मुख्य कुरा के हो भने नेपाली जनताले देशमा स्थायी सरकार , प्रष्ट बहुमतको सरकार , विदेशीको प्रभाव विना चल्नसक्ने सरकार छ र अब देश स्थिरता तर्फ जान्छ भन्ने जुन राष्ट्रिय आत्मविश्वास निर्माण गरेका थिए त्यो ध्वस्त हुने वाला छ । हामी सार्वभौम होइन अर्धऔपनिवेशिक परिस्थितिमै रहेछौं भन्ने कुरा फेरि प्रमाणित हुँदैछ ।

भारतीय मिडियामा भएको प्रचारबाजी र केपी ओली हट्दै छन् भन्ने हल्लामा गरिएको हर्कबढाई ले अब आउने प्रधानमन्त्री भारतीय दलाल नै हो भन्ने कुरा भारतीय मिडियाले स्थापित गरिसकेका छन् । भलै त्यस्तो नहुन पनि सक्छ । तर नेपाली मन बुझाउन सजिलो रहनेवाला छैन ।
यसतो अवस्थामा नेकपाका युवा नेताहरुले यो बुझ्न जरुरी छ कि अब यो सरकारको बहिर्गमनसँगै नेकपाको राजनीतिक भविष्य समाप्त को दिशामा पुग्नेछ । पुस्तान्तरण हुँदा नेकपा कै नेताका हातमा राजनीतिको बागडोर आउनेछैन । वैकल्पिक शक्ति स्थापित हुनेछ र पुस्तान्तरण र व्यवस्थाअन्तरण दुवै हुन सक्ने सम्भावना प्रचुर छ । त्यसैले शक्तिका प्यासा बुढा पुस्ताहरु त जुधे नै युवा पुस्ता सचेत बनेर साँच्चै देश परिवर्तन गर्न राजनीति गरेको हो लुट्न लाई होइन भन्ने कुरा स्थापित गर्न सफल रहनुहोस् । नत्र ७० वर्षको मेहेनतले प्राप्त गरेको कम्युनिस्टहरूको यो बहुमत कम्युनिस्ट हरु को लागी अन्तिम मत र कम्युनिस्टहरूको राजनीति अप्ठ्यारा सिद्धान्तहरूको आडमा जनताले पत्तै नपाउने गरी भागबण्डा गर्ने नीति मात्रै रहेछ भन्ने पुष्टि हुनेछ ।

देश बदल्न र नयाँ नेपाल बनाउन राजनीति गरेका हौं भन्नेहरुले कम्तीमा अबको साढे 2 वर्ष कुरेर हेर्नसक्ने हिम्मत गर्न शकुन । जुट्न चाहनेलाई जुट्ने र फुट्न चाहनेहरुलाई फुट्ने शुभकामना सहित क्रान्तिकारी जयनेपाल ।।