निषेधले नेपाली जनताको भविष्य अन्धकारमय

हामीले गुमाएका मौलिक परम्परा , मौलिक खेतिपाती , रितीरिवाज , मौलिक संस्कृतिमा अब हामी फर्किनुको बिकल्प छैन । हामीले मौलिकतालाई छोडेर आधुनिकतालाई पछ्याउदा हामी प्रजातान्त्रीक अभ्यासमा लागेका पनि ७० वर्ष कट्यो । तर विश्व आफनोपन , आफ्नो रितिरिवाज , सुसंस्कृति , पहिचान र आफ्नो देशको मौलिकता र परम्परालाइ अत्मसाथ गर्न लागी परेका छन ।

हामी नेपालीजनहरु चाही अरुको नक्कल गरी आप्नो पहिचान धरासाही बनाएर बढेका छौ । अब यसलाइ पुन विचार गर्ने बेला आएको छ । अब आधुनिकताले परम्परालाई समेटेर सगसंगै जाने समयको माग बढेको देखिन्छ । हामीले गरेको निषेधले भविष्य नेपाली जनताको अन्धकारमय हुने देखिन्छ , यस विषयमा सबै पक्षले आ आफ्नो इगो छोडी निषेधको राजनितिबाट बाहिर निष्कनु ढिलो गर्नु हुन्न भन्ने स्वतन्त्र नागरिक समाजको सबै पक्ष संग आग्रह छ ।

अहिलेको विश्वव्यापी कोभिड १९ रोगबाट ग्रसित छन , आफनो आफ्नो अर्थ व्यवस्था कृषि उत्पादन , नागरिक प्रतिको जवाफदेहिता स्वयम राज्यले गर्न पर्ने स्थिती सिर्जना भएको छ । यसबाट पाठ सिकी क्रमसः

(१) कृषि उत्पादनमा जोड ।
(२) युरिया मलबाट जुन माटो अमिलिएको छ , त्यस जमिनलाइ परम्परागत मल उत्पादन गर्न जनतालाई तालिम दिनुपर्ने ।
(३) चालकोल मल उत्पादन गरी खेतियोग्य जमिनमा प्रयोग गर्न सिकाउने र गड्यौला उत्पादन गर्ने ।
(४) किसानलाई अनुदानमा , सहुलियत ऋणको व्यवस्था गर्ने ।
(५) जनताबाट उत्पादित अन्न तथा तरकारी लगायतका उत्पादित खाद्यवस्तुहरुको बजार व्यवस्थापन राज्य आफैले गर्ने ।
(६) बढि उत्पादन गर्ने किसानलाइ राज्यले पुरस्कृत गर्ने जस्ता कार्यहरुलाइ समयमै सोच विचार गर्न सकिएन भने हाम्रो जस्तो देश चरम भोकमरीमा पर्ने देखिन्छ ।

अहिले तत्काल जसोतसो चलेपनि भविष्यको विषयमा राज्य चनाखो हुन सकेन भने आन्तरिक गृह युद र कलहमा फस्ने देखिन्छ । हामीले हिजो गल्ति गर्यौ र सत्ताको आडमा मेनपावर मार्फत देशका हुनहार युवायुवतिलाइ विश्व बजारमा पठाउने काम गर्यौ त्यस बापतको रेमिट्यान्सले आज सम्म देश चल्यो । भालीका दिनमा यो सम्भव छैन । अरुले गर्ने सहयोग तथा अनुदान पनि आफु संग भए दिने हो तर आफनो देशको नागरिकलाइ भाकै राखी अरुलाई सहयोग त गर्दैनन होला । पर्यटन व्यावसाय पनि केहि वर्ष धरासाही नै हुने देखिन्छ , यस कुरामा राज्य संचालकहरुले समयमा ध्यान पुगोस ।

स्वतन्त्र नागरिक समाज
सयोजक : हेम विक्रम सिलवाल